Børnini

So mong tey eru børnini
í øllum heimsins londum,
og allastaðni bera tey
ein grip í sínum hondum.

Tey tosa ikki sama mál
tað noyðast vit at sanna,
og tó tey ikki kennast, ja
so skilja tey hvørt annað.

Tey gráta eins og flenna eins
og kenna sorg og gleði,
og tó tey eru ymisk øll,
tey eiga somu megi.

Tí svørt og hvít og gullig børn
í øllum heimsins londum,
tey bera henda jarðarknøtt
í sínum smáu hondum.