Føst boð
Vika 14
Várveitsla
Hóskvøldið 20. mars verður várveitsla fyri 8.-10. flokki í gomlu fimleikahøllini. Tað eru næmingar í 9. flokki og flokslærarar, sum skipa fyri veitsluni, sum er frá kl. 18.30-23.00. Vit brúka ikki aðrar partar av skúlanum.
Veitsluklødd fara vit at hugna okkum saman við sangi, góðum mati og undirhaldi. Tað er ikki loyvt at hava rúsdrekka við ella at møta upp ávirkað/-ur. Vit tilskila okkum rætt at kanna, um næmingar fylgja hesum reglum, og at ringja til foreldur/avvarðandi og senda næmingar heim, um tær ikki verða fylgdar.
Leiðsla og flokslærarar í 8.-10. eru við á veitsluni.
Skúlin hevur ikki ábyrgd av, um ein møgulig eftirveitsla verður fyriskipað.
Tilmeldingarlisti við kunning um veitsluna hongur uppi í skúlanum.
Vit gleða okkum og vóna, at vit fáa ein góða várveitslu.
Vanlig skúlagongd er fríggjadagin 21. mars.
Blíðar heilsanir
Leiðslan