FFS sangir.

Jólasangir

Eg gleðist so hvørt jólakvøld

1. Eg gleðist so hvørt jólakvøld,
tí Jesus føddist tá,
tá lýsti stjørnan sum ein sól,
lag sungu einglar tá.

2. Og lítla barn í Betlehem,
tað var ein kongur bold’,
sum kom av høgu himnaborg
á hesa neyðar fold.

3. Nú hann í himmiríki býr,
tí hann Guðs sonur er;
men altíð hoyrir hann hvønn tann,
í bøn til hansar fer.

4. Og móðir tendrar tá øll ljós,
tey skína í hvønn krók,
tí út um heimin, sigur hon,
at lýsa stjørnan tók.

5. Hon sigur, at hitt einglaljóð
tað ljóðar enn í dag
um frið og gleði her á jørð
og um Guðs hjartalag.

6. O, gævi eg kundi sungið so,
tá gleddist Jesu lund;
tí eg við varð Guðs kæra barn
á halgu skírnarstund.

7. Eg gleði meg hvørt jólakvøld
um Harran Jesus Krist.
At hann av sonnum elskar meg,
tað veit eg fult og vist.

Orð:
Lag:

Deil tíðindi á

Fleiri sangir

Morgunsangir
Faðir, fylg mær henda dag
Faðir, fylg mær henda dag, vend til tín mítt sinnalag, troystaríka trúgv mær gev, glaðan hug til dagsins strev; villist e…
Jólasangir
Eg eri so spent til jóla
1. Eg eri so spent til jóla, eg fái ein nýggjan kjóla og jólagávurnar nógvar og eisini nýggjar skógvar. 2. Tað er so l…
Morgunsangir
Gud, tú sum ljósið lætst skína so bjart
1. Guð, tú sum ljósið lætst skína so bjart, sjálvur ert ljóskeldan reina; aldri seg nærkar tær myrkrið so svart, sólin…
Heimasetningur
Næmingafrávera
Office 365
Wiseflow
Sangir
Samband