Veturin rópar

1. Veturin rópar í fjøllum og dølum:
Nú kemur grýlan við fjøruti hølum.
Ein er av silki, og ein er av tveini,
ein er av spýtti og kræklingabeini.

2. Ein er av hampi, og ein er av jarni,
ein er av mosa og skinfluguskarni.
Ein er av leðri, og ein er av tvøsti,
ein er av slíggi, og tað er tann størsti.

3. Ein er av sissal, og ein er av spiki,
ein er av tara, og ein er av mykju.
Ein er av neilon, og ein er av sløkju,
restin er alt í einari fløkju.