Lærarastørv í Fuglafjarðar skúla

Til skúlaárið 2026-2027 eru hesi størv leys at søkja í Fuglafjarðar skúla:

• 3 føst lærarastørv við setan frá 1. august 2026. Setanarbrotið er 1.0.
• 1 barsilstarv fyri lærara frá 10. august til og við 18. desembur 2026. Setanarbrotið er 0.7.1 barsilstarv fyri lærara frá 10. august til og við 29. mars 2027. Setanarbrotið er 1.0.
• 2-3 tíðaravmarkað lærarastørv frá 1. august 2026 fyri lærarar í farloyvi, vegna lækkað tímatal, avlopstímar og undirvísing í føroyskum sum annaðmál. Endaliga tímatalið verður ásett 1. septembur 2026.

Førleikakrøv

Umsøkjari skal hava prógv sum lærari, tó kunnu umsøkjarar, sum fáa prógv í summar, søkja á jøvnum føti við tey, sum longu hava lokið prógv.  

Harumframt skal umsøkjari hava góðan málførleika, serliga í føroyskum.

Skúlin hevur tørv á lærarum, ið kunnu undirvísa í hesum lærugreinum:

• Í grunddeildini: Føroyskum, støddfrøði, tónleiki, ítrótti og FSA
• Í miðdeildini: Føroyskum, donskum, enskum, tónleiki, ítrótti, smíð og náttúru og tøkni
• Í hádeildini: Donskum, alis- og evnafrøði, lívfrøði, kristni, tónleiki, heimkunnleika, smíð og føroyskum sum annað mál

Harumframt er tørvur á lærarum, ið kunnu átaka sær flokslæraraleiklut í grund- og miðdeild, og sum hava førleikar at undirvísa næmingum við serligum tørvi.

Lærarar, ið kunnu undirvísa í tónleiki, føroyskum sum annaðmál, vísindalærugreinum og harumframt kunnu átaka sær flokslæraraleiklut, hava fyrimun. 

Vit vænta, at tú

• ert fyrikomandi og sýnir jaligan hugburð mótvegis næmingum og starvsfeløgum
• dugir at samstarva og vilt vera við til at menna skúlan og teg sjálva/-n
• ert fevnandi og vil styrkja felagsskapin
• ynskir at kveikja hugin til at læra hjá tí einstaka næminginum
• kanst tillaga teg til skiftandi arbeiðsumstøður og broytingar
• undir ábyrgd leiðslunnar og í samstarvi við starvsfólk skúlans, tekur lut í dagliga arbeiði skúlans

Lønar- og setanartreytir:

Lærarastørvini verða sett sum sáttmálasett størv, uttan so er, at tann, sum settur verður, er tænastumannasettur lærari frammanundan. Størvini eru lønt í lønarflokki 18.1 – 29.2 sambært avtalu millum Fíggjarmálaráðið og Føroya Lærarafelag.

Umsóknir:

Umsóknir við CV, avritum av prógvum og møguligum viðmælum skulu vera skúlastjóranum í hendi í seinasta lagi hósdagin, 4. juni, kl. 12.00. Nærri kunning um størvini fæst við at seta seg í samband við Berlys Toftadal, skúlastjóra, á tlf.nr. 238061 ella á t-post berlys.toftadal@skulin.fo

Setanarsamrøður verða í viku 23. Barnaváttan verður kravd í sambandi við setan.

Fuglafjarðar skúli hevur inniverandi skúlaár 315 næmingar í 1 .- 10. flokki. Á skúlanum starvast 33 lærarar, 4 námsfrøðiligir stuðlar, 2 skúlaskrivarar, 3 húsavørðir og 5 fólk í reingerðartoyminum. Skúlin leggur dent á at kveikja, virða og menna.