Bárður á Lakjuni, sum seinastu mongu árini hevur starvast sum lærari her í Fuglafjarðar skúla, er nú blivin landsstýrismaður í mentamálum. 

Bárður, sum fyrstu ferð stillaði upp til løgtingsval og kom á ting í 2022, fer nú at umsita mentamál, skúlamál, útbúgving og kirkjumál í landsstýrinum. 

Vit vilja við hesum ynskja honum hjartaliga til lukku við sessinum, Guds ríku signing og hepna hond við arbeiðinum.