20. novembur verður altjóða barnarættindadagur, og fara vit her í skúlanum at gera nakað serligt burturúr hesum týdningarmikla degi.

Øll næmingaráð í fólkaskúlunum í Føroyum hava fingið í boði at vera við til dagin. Vit fegnast um, at fleiri skúlar hava teknað seg til tiltakið.

Landstýrismaður í barna- og útbúgvingarmálum, Djóni Nolsøe Joensen, setir dagin, og Hanna Vang, Løgtingsins umboðsmaður og Barnanna umboðsmaður hevur framløgu um ST-sáttmálan um barnsins rættindi.
Harumframt vera tónleikaframførslur, ábit, undirhald o.a.

Stásiliga ítróttahøllin í skúlanum verður karmur um tiltakið.

Stuttligt er eisini at nevna, at Barnaútvarpið fer at seta fokus á tiltakið her í skúlanum. 

Vit gleða okkum til dagin.