Góðu næmingar og foreldur/avvarðandi

Vegna verkfallið, sum er í løtuni, eru nakrar broytingar ímun til skrivligu royndirnar og próvtøkurnar. Vinarliga lesið væl:

7. og 8. flokkur

Royndirnar hjá 7. og 8. flokki verða tiknar heimanifrá og avgreiddar á Wiseflow. 

Tíðarkamarnir eru teir somu. Hetta merkir, at næmingarnir skulu sita klárir á Wiseflow, soleiðis sum tíðarkarmarnir vísa niðanfyri.

9. og 10. flokkur

Eingin broyting er ímun til skrivligu próvtøkuna hjá 9. og 10. flokki. Næmingarnir í hesum flokkunum møta í skúlanum í royndarhølinum 15. min. áðrenn royndin byrjar. 

Niðanfyri tíðarkamarnar síggjast mannagongdir og nøkur góð ráð í sambandi við royndir og próvtøkur.

Mannagongdir til skrivligar próvtøkur og royndir:

Næmingarnir skulu sita í royndarhølinum 15. min. áðrenn royndin byrjar

At hava við:

• Teldu
  • Tey, ið ikki eiga teldu, skulu boða skrivstovuni frá í seinasta lagi fríggjadagin 17. mai kl. 11.00
• Telduløðara
• Oyralurt
• Teldumús
• Góðar blýantar
• Viskileður
• Linjál
• Teknitrýkant
• Vinkulmátara
• Passara
• Roknimaskinu
• Gulu handbók 
   

Loyvt er at nýta internet, lærubøkur, gamlar uppgávur, egna notatir o.l. til royndina/próvtøkuna

Tað er strangliga bannað at avrita uppgávur av netinum.

Tað er ikki loyvt at nýta fartelefon. Fartelefonin skal setast á flight mode og latast inn í ein telefonbakka, áðrenn royndin byrjar.

Næmingar hava loyvi at samskifta við vaktirnar í royndarhølinum. Einki annað samskifti er loyvt.

Bið vaktina um loyvi, um tú skalt á vesi.

Verið umhugsin og órógvið ikki onnur.

Nøkur góð ráð

• Fyrireika teg væl. Skilagott er at blaða ígjøgnum gamlar uppgávur, stílar, notatir, rættingar frá lærara o.l.
• Tryggja tær, at øll omanfyri standandi amboð eru í pennahúsinum og taskuni.
• Far tíðliga í song.
• Et góðan morgunmat.
• Hav góðan matpakka og okkurt drekkandi við í royndarhølið.
• Tryggja tær, at tú skilur uppgávuorðingina og spurningarnar.
• Ger títt besta og brúka tíðina væl.