Sum kunnugt, hava øll fólkaskúlabørn fingið í boði at skriva jólakort. Tað er verkætlanin Føroyar Lesa, ið hava skipað fyri hesum átaki og eggjað fólaskúlanæmingum at skrivað jólakort.

Meiri um jólaátakið kann lesast her: Føroyar lesa

Næmingarnir í Fuglafjarðar skúla fóru hugagóðir til verka og hava skrivað jólakort til mestsum allan heimin. Áðrenn Posta kom eftir jólakortinum, fóru vit at telja upp og hyggja, hvar hesi fittu jólakortini eru á veg. 

Vit komu fram til, at frá Fuglafjarðar skúla fara jólakort til heili 6 heimspartar og 23 lond.

Hesi londini eru:

• Føroyar
• Pólland
• Brasil
• Kanada
• Frankaríki
• Norra
• Grønland
• Filipsoyggjarnar
• Nigeria
• USA
• Malta
• Svøríki
• Ísland
• Danmark
• Kroatia
• Týskland
• Venezuela
• Finnland 
• UK
• Niðurlond
• Bahrain
• Australia
• Spania

Vit takka stigtakarunum handan Føroyar Lesa fyri hetta frálíka jólatiltak, sum er bæði hugnaligt, læruríkt og gevandi.

Vónandi verður hetta eitt afturvendandi átak.