Tíðindi.
Nývaldu næmingaráðini eru farin í gongd.
25.09.2024
So eru næmingaráðini fyri skúlaárið 2024-2025 vald. Í Fuglafjarðar skúla eru trý næmingaráð: eitt í grunddeildini, eitt í miðdeildini og eitt í hádeildini. Í ár er fyrstu ferð, at næmingaráð er valt í grunddeildini. Á fremstu myndini síggja tit hetta nýggja næmingaráðið í grunddeildini sita á trappuni á ovastu hædd. Eru tey ikki fitt?
Sum liður í næmingaráðsarbeiðinum skipaðu Nám og Undirvísingarstýrið fyri skeiði fyri næmingaráðunum kring landið. Skeiðið varð hildið í skúlanum á Skúlatrøð. Nøkur umboð fyri okkara næmingaráð luttóku.
Á skeiðnum lærdu tey um ymisk stuttlig og ítøkilig amboð, sum kunnu brúkast í sambandi við næmingaráðsarbeiði.
Eitt stuttlig og gevandi skeið, sum myndirnar niðanfyri eisini lýsa so væl:
Deil tíðindi á
