Fuglafjarðar skúli hevur nú ein móttøkuflokk á fyrsta sinni. Hesin flokkur er til næmingar, sum hava føroyskt sum annað mál. 

Talan er um eitt samstarv við skúlan í Eysturkommunu.

Móttøkuflokkurin er skipaður soleiðis, at grunddeildirnar (1. - 3.fl.) í Fuglafjarðar skúla og í sk. í Eysturkommunu fáa undirvísing í egnum skúla.

Næmingar í miðdeildini (4.- 6.fl.) í Eysturkommunu og Fuglafirði fáa undirvísing í Gøtu skúla, meðan næmingar í hádeildini (7.-10. fl.) í Eysturkommunu og Fuglafirði, verða undirvístir her í Fuglafjarðar skúla.

Tilboðið í Fuglafjarðar skúla byrjar mánadagin 26. august. Nærri kunning um tilboðið í skúlanum í Eysturkommunu kemur seinni.  

Vit fegnast um hetta samstarv, og eru spent at vita, hvussu hetta tilboð fer at rigga.