12.-14. desember verður skipað fyri jóladøgum í skúlanum. Í hesum sambandi eru allir næmingarnir í skúla frá kl. 8:00-12:30 nevndu dagar. Tó eru serligar avtalur fyri 6. og 10. flokk.  Nærri verður kunnað um seinastu dagarnar her á heimasíðuni mánadagin.

Næmingarnir í 2.-7. flokki, sum hava havt tilevning og handarbeiði í heyst, sýna fram í tilevningarhølinum mánakvøldið 5. desember millum kl. 19 og 21.

Nú jólamánaðurin stendur fyri durum, eru næmingarnir farnir at prýða til jóla. Tað verður klipt, límað og klistrað. Hugnaligt við jólaprýði hesa myrku ársins tíð.

Trýst her fyri at síggja fleiri myndir.

Vegna veður er skúlagongdin avlýst fríggjadagin 25. november

Vegna jarðarferð  mánadagin 21. nov. eru ráðleggingardagarnir, sum skuldu vera mánadagin og týsdagin 21.-22. nov., fluttir til týsdagin og mikudagin 22.-23 nov. Hetta merkir, at allir næmingar skúlans hava frí týsdagin og mikudagin og ikki mánadagin, sum áður fráboðað.

Mánadagin fáa øll frí kl. 12.35.

Mánadagin og týsdagin 21.-22. november verða ráðleggingardagar í skúlanum. Hesar dagar skulu allir lærarar skúlans á skeið í at nýta samvirknar talvur. Í hesum sambandi er eingin skúlagongd. Farið verður aftur í skúla mikudagin sum vanligt.

Seinastu mánaðirnar hevur verið arbeitt við einari nýggjari heimasíðu til skúlan. Vit hava lagt okkum eftir at gera síðuna einfalda og brúkaravinaliga. Framyvir er eisini ætlanin at brúka heimasíðuna meira í samskiftinum millum skúla og heim. Kunning frá skúlanum fer fyrst og fremst fram á hesum palli.

Sum nakað nýtt fara vit eisini at leggja heimasetningin hjá flokkunum út á heimasíðuna. Hetta er ikki virkið enn, men verður gjørt í næstum.

Til ber eisini at tekna seg fyri tíðindabrævi á heimasíðuni. Málbólkurin fyri hesum tíðindabrøvum er foreldur/verjar. Møguleiki er tó hjá øllum at tekna seg.

Vónandi kann heimasíðan vera eitt gott amboð í kunningini og samskiftinum millum skúla og heim.