Tíðindi.
Vit eru klár til desembur mánaðin.
30.11.2022
Vit hava prýtt til jóla
Týsmorgunin 29. novembur fóru vit í gongd við at prýða skúlan til jóla.
Tað var lív í hendan dagin, og fleiri høvdu latið seg í jólahúgvur, jólaklæðir o.s.fr. Lagið var sera gott, og eftirspurningur eftir klistribandi, læraratyggigummi, límstiftum o.ø. var stórur. Øll vóru í gongd við at jólastákast.
Mitt í jólastákanini fóru vit øll eina løtu í miðhøllina til felags sang. Her sungu vit jólasangir, og sigast má, at øll sungu so sera væl við, so tað rungaði eftirí.
Alt í alt ein serstakliga góður og stuttligur dagur. Nú gleða vit okkum til desembur.
Her eru nakrar myndir:
Deil tíðindi á