Reglur til skrivliga roynd
- Næmingar skulu møta 15 min., áðrenn royndin byrjar
- Friður skal vera inni í royndarhølinum
- Næmingar skulu ikki samskifta sínámillum í royndarhølinum
- Tað er ikki loyvt at spæla spøl, hyggja at filmi, brúka tekniforrit og lurta eftir tónleiki á telduni meðan royndin fer fram
- Tað er ikki loyvt hava fartelefonir, I-pod og líknandi við til roynd
- Eftirlitsfólk skal fylgja við næmingi, um hann skal út úr próvtøkuhølinum, t. d. á vesi
- Næmingar skulu hava egna teldu og oyramikrofonir við
- Telda og annað próvtøkutilfar kann ikki takast út úr próvtøkuhølinum, fyrr enn próvtøkan er liðug
- Dagførd útgáva av forritinum Acrobat Reader skal liggja á telduni. Forritið kann heintast ókeypis á https://get.adobe.com/reader/.
- Síðuhøvd til framseting og fyrisøgn liggur inni á ffs.fo.
- Í framseting og greiðslurokning kunnu næmingar fara, tá ið tveir tímar eru farnir, eftir at lærari/vakt hevur givið loyvi til tess
- Næmingar skulu fara til hús, tá ið teir eru lidnir, tó kunnu næmingar úr Gøtu, Leirvík og av Kambsdali bíða í ávísari skúlastovu, til bussurin koyrir
- Um næmingur ikki heldur seg til galdandi reglur, verður hann burturvístur, og heimið verður kunnað um hetta