Tíðindi

03-04-2018

PISA 2018

PISA 2018 verður í Føroyum hildin í viku 15 og 16, tað er í døgunum 9. til 19. apríl. Kanningin verður sambært yvirlitinum, ið stendur síðst í hesum skrivi.

Próvstovan skipar vegna Mentamálaráðið fyri PISA kanningini og samskiftir við teir skúlar, sum luttaka.

PISA 2018 byrja kl. 9 og næmingarnir skulu hava atgongd til hølið einar 10 minuttir áðrenn.

PISA 2018 er í fleiri pørtum. Fyrst er stutt frálæra í skipanini. Síðani kemur sjálv PISA kanningin, ið er í tveimum eindum. Hvør eind varir 60 minuttir. Eftir stuttan steðg kemur seinasti partur av PISA kanningini. Í hesum parti skulu næmingar svara spurningum um bakstøðið hjá sær.

Hetta eru spurningar, ið millum annað kunnu vera um útbúgving hjá foreldrum, arbeiðsvanar í skúlahøpi, trivnað og nýtslu av KT. PISA 2018 verður bert framd á teldu.

Kanningin er ein samanhangandi heild. Næmingarnir eru í kanningarhølinum alla kanningartíðina. Umráðandi er, at næmingar hava fløsku við vatni og onkra frukt við sær. Næmingarnir mugu ikki fara úr hølinum teir umleið 4 tímarnar, PISA kanningin varir.

PISA 2018 fer fram á geyma. Hvør næmingur hevur tilskila eitt ark. Á arkinum er tilskilað: Navn næmingsins, næmingafrámerki og loyniorð. Umsjónarfólkini leggja økini á borði, so næmingar síggja, hvar teirra pláss er.

Dagur Skúli Teststaður Næmingatal
11. apríl Fuglafjarðar skúli Fuglafjarðar skúli 52

Vinarliga

Próvstovan