Vegleiðing

Hendan vegleiðing er til 9.fl. og 10.fl.

8.fl. brúkar aðra skipan, har uppgávurnar verða loystar inni á http://svar.fo/.

Til allar skrivligar royndir og próvtøkur skulu næmingar 9.fl. og 10.fl. brúka eyðkennisstrong. Eyðkennisstrongurin er settur saman av: skúlanummari, lærugreinastytting, lærugreinastigi, brúkaramerki og navni próvtakarans.

Dømi um eyðkennisstrong í føroyskari framseting 9.fl., og næmingurin eitur Símun Jacobsen: 09-FØR-fra-9fl-9a-sj1410f3-Símun Jacobsen

Lærugreinastyttingar:

DAN-fra-9fl      Danskt, framseting 9. flokkur
DAN-mál-9fl    Danskt, mállæra 9. flokkur
DAN-fyr-9fl       Danskt, fyrisøgn 9. flokkur
DAN-les-9fl    Danskt, lesifatan 9. flokkur
DAN-fra-10fl    Danskt, framseting 10. flokkur

ENS-fra-9fl        Enskt, framseting 9. flokkur
ENS-mál-9fl     Enskt, máluppgáva 9. flokkur
ENS-fra-10fl     Enskt, framseting 10. flokkur

FØR-fra-9fl       Føroyskt, framseting 9. flokkur
FØR-mál-9fl     Føroyskt, mállæra 9. flokkur
FØR-fyr-9fl        Føroyskt, fyrisøgn 9. flokkur
FØR-les-9fl     Føroyskt, lesifatan 9. flokkur
FØR-fra-10fl     Føroyskt, framseting 10. flokkur

STØ-gre-9fl       Støddfrøði, greiðslurokning 9. flokkur
STØ-fim-9fl        Støddfrøði, fimisrokning 9. flokkur
STØ-gre-10fl     Støddfrøði, greiðslurokning 10. flokkur

Forrit á teldunum:
Tað er sera umráðandi, at próvtakararnir nýta niðanfyri nevndu forrit.

Kagi:
Firefox. Nýggjasta slepping kann takast niður ókeypis av netinum her: https://www.mozilla.org/da/firefox/new/)

Skriviforrit:
Office 2010 ella nýggjari. LibreOffice, útgáva 4.0 ella nýggjari, kann takast niður her: https://da.libreoffice.org/

PDF-lesari:
Adobe Reader, útgáva 11.0 ella nýggjari (kann takast niður her: https://get.adobe.com/dk/reader/  )

Flash:
Adobe Flash Player, útgáva 12.0 ella nýggjari (kann takast niður her: https://get.adobe.com/flashplayer/)

Verða onnur forrit brúkt, kunnu vit ikki tryggja góðskuna.

Oyrnalurt
Allir próvtakarar skulu hava oyrnalurt við til skrivligu próvtøkurnar, tí tekstirnir verða lisnir upp umvegis teldu, ella tekstir kunnu á annan hátt hoyrast.

At goyma próvtøkuavrikið
Allir próvtakarar skulu duga at goyma eitt skjal, sum er skrivað í einum skriviforriti, sum PDF-skjal.

Próvtøkuavrik
Eyðkennisstrongurin skal tilskilast í øllum próvtøkuavrikum, sum verða latin til dømingar. Eyðkennisstrongurin skal tilskilast ovast á hvørjum arki. Øll ørk skulu vera talmerkt, t.e. síða 1 av X síðum, síða 2 av X síðum o.s.fr.

At lata próvtøkuavrikið inn
Próvtøkuavrikið verður sum PDF-skjal latið inn umvegis geyma ella á annan talgildan hátt til ambætara skúlans.Innlatingarskipan er á heimasíðuni hjá Fuglafjarðar Skúla. Einstaki skúlin ger sjálvur reglur fyri, hvussu próvtakararnir lata próvtøkuavrikið inn, og hvussu innlatingarhátturin verður.

  • Skriva við ”Times New Roman”
  • Yvirskrift við stødd 16, og tekstin annars við stødd 12
  • Reglumillumrúm 1.5 (halvanden linjeafstand)
  • Reglubrot skulu vísast við dupultum regluskifti
  • Breddin skal vera líka í høgru og vinstru síðu (lige margener)
  • Breddin skal vera 2,54 cm í høgru síðu og vinstru síðu. Høvd og fótur skulu eisini vera 2,54 cm. Hetta er standarduppseting

 

  • Vegleiðandi stílalongd:

Føroyskt og danskt:
8.fl 2600 – 3700 tekn við millumrúmum
9.fl 3700 – 4900 tekn við millumrúmum
10.fl 4900 – 6100 tekn við millumrúmum

Enskt:
8.fl 2100 – 2500 tekn við millumrúmum
9.fl 2500 – 3700 tekn við millumrúmum
10.fl 3700 – 6100 tekn við millumrúmum

  • Loyvt er at nýta  teldutøkar orðabøkur og rættstavara
  • Gevið tykkum tíð at rætta stílin væl og virðiliga, so úrslitið gerst so gott sum gjørligt

Støddfrøði (fimisrokning og greiðslurokning)
Bæði í fimisrokning og greiðslurokning verða uppgávurnar loystar við hond. Eyðkennisstorngur skal tilskilast á øllum ørkunum, sum skulu rætast, umframt at øll innlatin ørk skulu vera leypandi talmerkt.

Krav til teldurnar
Mentamálaráðið fer ikki at áseta krav til teldurnar, sum skulu nýtast í próvtøkuhøpi, men ein leiðregla er, at teldan neyvan má vera eldri enn 4 ár. Teldan skal kunna brúka forritini, sum eru nevnd omanfyri.